Белгилүү тамада Бакыт Букаевдин
өлүмүнө шектүү деп кармалган Худайбердиев Уланбек
Турдибекович 1986-жылы туулган Өзбекстандын Анжиян облусунун Беш-Тал
айылында төрөлгөн. Улуту – кыргыз.
Ал жасаган кылмыш иши боюнча төмөнкүдөй көрсөтмө берген.
Тергөөчү: - Кыргызстанга
качан келдиң?
Худайбердиев Улан: - Кыргызстанга
5 жашымда келгем.
Т: - Кайсы жерде жашайсың?
Х.У.: - Ош шаарындан жашайм.
Т: - Орусияга качан бардың?
Х.У.: - Орусияга 2009-жылы кетип, кайра
ошол жылы күзүндө келгем.
Т: - Москвадан акыркы жолу качан келдиң?
Х.У.: - 2013-жылы 28-октябрда келдим.
Т: - Ошондон бери каякта жашап жүрдүң?
Х.У.: - Орусиядан келгенде Бишкекте жашап
жүрдүм.
Т: - Ким менен жашап жүрдүң?
Х.У.: - Радиоузелде, биржада, күнүмдүк мейманканаларда
жашап жүрдүм.
Т: - Орусиядан эмне болуп келдиң бул
жакка?
Х.У.: - Орусияда бир жарым жыл иштедим, бир
жарым жыл уурулук менен Владимирсктеги абакта отурдум. Ал жактан паспортумду
жоготуп, депортация болуп келдим.
Т: - Бул жерге эмне үчүн кармалып
отурасың?
Х.У.: - Бир кишини үйүнөн өлтүрүп коюп кармалдым.
Кылмыш тууралуу төмөнкүлөрдү айтып
берген.
“Ал кишинин үйүнө Мирлан аттуу бала алып барды. Мирлан менен биржага
малчы издеп келгенде таанышканбыз. Биз ал кишинин (ред. Бакыт Букаев) үйүнө барып буюмдарын көрүп, акчаларын
алып кетебиз дегенбиз. Биз 1 куртка, 2 жемпер, 1 шым, 1 ноутбук, 1 телефон, 1 коньяк, 1 вино жана 400 сомго жетпеген суммада акча алдык. Менин жүзүмдү көрүп
калганы үчүн өлтүрүүгө бардым.
Шеригим жардам берген жок. Ал кийин келди.
Тамеки менен төшүн күйгүзгөн жокмун. Ошол жерде мен тамеки чегип отургам. Анан
тамеки колумдан төшүнө түшүп кеткенби, билбейм. Эшикти такылдатканда үйдүн ээси
өзү ачты, мен кирдим, шеригим сыртта болчу. Тамактанып отурганбыз. Анан мен душка
кирип, жуунуп чыгып, ошол жерде калган аракты үйдүн ээси менен кошо ичип жатканда,
тамеки чегип келем деп мен ашканага чыгып кеттим.
Ал жактан эки бычакты көрүп калып,
бир бычакты алдым. Ал бычак менен көкүрөгүнө эки жолу сайгам. Бычак сынып кетип,
мен колумду кесип алгам. Ал киши менен күрөшө кетип, мен жаак жагына оң колум
менен бир койгом. Ал киши жыгылып түштү. Арт жагына өтүп бууп, эсин оодаргам. Ал
кишинин колу -бутун байлап, ашканада калган экинчи бычакты алып келип, моюн
жагына эки жолу сайдым. Андан кийин бычакты ыргытып ийдим. Үстү -башымды жууганы
ваннага кирип кеттим. Жуунуп чыгып, кийимдеримди кийип, сыртта калган шеригиме
эшикти ачып, киргиздим.
Т: - Силерди ким
тааныштырган болуп жатат?
Х.У.: - Мирлан
деген бала тааныштырган. Анын каякта иштегенин билбейм.
Т: - Качан,
кандай убакта тааныштыңар?
Х.У.: -Мен радиоузелде
жумуш издеп карап тургам. Ошол жерде, радиоузелде иштеген Рустам аттуу бала менен турганбыз. Ал жерге
Мирлан келген, койчу издеп. Бир баланы алып кеткен. Анан кечинде биздин барарга
жерибиз жок ошол базардын арт жагындагы күнүмдүк батирге бардык. Ал 8де ачылат экен. 180 сомго
алып коюп базардын арт жагындагы отургучта Рустам экөөбүз арак ичип отурганбыз.
Кийин ал жерден Мирланды көрүп калдык. Ал койчуну үйгө салам деп сүйлөшкөнү
келген экен. Бизди көрүп калып, “Силер бул жакта эмне кылып жүрөсүңөр?” деди.
Биз "барарга жерибиз жок, үйүбүз жок" деп айттык. "Күнүмдүк мейманкананын ачылышын
күтүп отурабыз" дедик.
Жаныбызда эки орус арак ичип отурган. Алар урушуп кетип
калышты. Алардан калган жарым бөтөлкө аракты ичип жаттык. Мирландын колунда закуска
бар экен. Эт менен наны бар экен. "Кайда барып жашайсыңар эми?" деп бирөөгө телефон чалды. Ал
кишиге "менде 2 бала бар. Бара турган жери жок" десе, макул болгон окшойт.
Биз
Мирлан менен Жибек Жолу-Жаш Гвардия бульвары тарапка бастык. Жаш Гвардиядан Мирлан айткан кишинин үйү тарапка бастык.
Үйгө жеткенде Мирлан звонок
кылып, “Биз келдик, силер келип калдыңарбы?” деди. Мирлан бизге ал кишини тойдон
келе жатканын айтты. Карасак, бир киши келип, Мирлан менен учурашып калды.
Көрсө, ал
ошол үйдүн ээси экен. Бакыт деген киши экен. Кара пальто, кара шляпа
кийген. Толук келген, узун бойлуу.
Т: - Ошол өлтүргөнүңө
күнөөңдү сезесиңби?
Х.У.: - Ооба, сезем.
Т: - Үйлөндүң беле?
Х.У.: - Жок, үйлөнө
элекмин.
Т.: - Мектепти каяктан
аяктадың эле?
Х.У.: -Мектепти Оштон
бүткөм.
(ред: Кылмышка шектүү адамдын сөздөрү оңдолбой, айтканындай берилди)
