Садыр Жапаров Омар Султановду БУУнун Женева шаарындагы туруктуу өкүлү кылып дайындады

Омар Султанов Женева шаарындагы БУУнун туруктуу өкүлү болуп дайындалды. Бул тууралуу президенттик администрациядан билдиришти.

Билдирүүгө ылайык, тиешелүү буйрукка өлкө башчы Садыр Жапаров кол койгон.

"Президент Садыр Жапаров кол койгон жарлыкка ылайык, Султанов Омар Абдыразакович Женева шаарындагы Кыргыз Республикасынын Бириккен улуттар уюмундагы жана башка эл аралык уюмдардагы туруктуу өкүлү болуп дайындалды", - деп жазылат билдирүүдө.

Автор: Азат Бейшенбеков