"Алтынбек Сулаймановго эскертүү, Эркинбек Осоевге сөгүш". Президент бир катар аткаминерлерге жаза чараларын колдонду

Өлкө башчы Садыр Жапаров бир катар кызматтык адамдарга дисциплинардык жаза чараларын колдонду. Бул тууралуу президенттин маалымат кызматынан билдиришти.

"Мамлекет башчысынын тескемесине ылайык, Эмгек кодексинин 146-статьясына ылайык жүктөлгөн милдеттерин тийиштүү түрдө аткарбагандыгы үчүн:

– берилген тапшырмаларды аткарбагандыгы үчүн Транспорт жана коммуникациялар министри Эркинбек Осоевге сөгүш берилди.

Ошондой эле “Ысык-Көлдүн экологиясын сактоо боюнча кечиктирилгис чаралар жөнүндө” президенттин жарлыгын ишке ашыруудагы кемчиликтери үчүн төмөнкүлөргө эскертүү берилди:

–Президенттин Ысык-Көл облусундагы ыйгарым укуктуу өкүлү Алтынбек Сулаймановго;

–Ички иштер министрлигинин Ысык-Көл облустук ички иштер башкармалыгынын начальниги Канат Жумагазиевге;

–Жаратылыш ресурстары, экология жана техникалык көзөмөл министрлигинин Ысык-Көл региондук башкармалыгынын начальниги Руслан Термеевге",- деп айтылат маалыматта

Автор: Бек Оморбеков