Борбор калаада мыйзамсыз орнотулган батуттар алынды

Бишкекте өткөрүлгөн эки күндүк рейддин жыйынтыгында мыйзамсыз орнотулган батуттар алынды. Бул жөнүндө шаардык мэриядан билдиришти.

Анда айтылгандай, Курманжан Датканын эстелигинин жанындагы, "Ала-Тоо" аянтындагы, ошондой эле Эмен паркындагы 3 батут, 4 динамометр, 1 муздаткыч, 3 оюн жабдыктары алынды.

Буга катарлаш Ч.Айтматов атындагы Орус драма театрынын жанындагы уруксатсыз орнотулган тосмолорду, бастырмаларды алуу иштери жүргүзүлдү.

Ошондой эле «Бишкекжарык» ишканасынын адистери «Ала-Тоо» кинотеатрынын артындагы 300 метрге жакын мыйзамсыз зымдарды кесишти.

Автор: Айжанар Рыспек кызы