Тышкы иштер министрлиги кыргызстандыктарды Тажикстанга барбай турууга чакырды

Тышкы иштер министрлиги кыргызстандыктарга Тажикстанга барбай турууну сунуштады. Бул тууралуу 22-декабрда аталган мекеменин маалымат кызматынан кабарлады.

"Кыргызстан жарандары үчүн Тажикстанга киргизилген чектөөлөр уланып жаткандыктан министрлик Кыргызстан жарандарына Тажикстанга ар кыл сапарлар менен барууну коё турууну же ал өлкөнү транзит катары колдонуп, сапарга чыкпоону сунуштайт", - деп айтылат билдирүүдө.

Тажикстанга кирүү жана чыгуу маселелери боюнча Тышкы иштер министрлигинин Консулдук департаментинин жана бул өлкөдөгү элчиликтин ишеним телефонуна төмөнкү телефондор боюнча кайрылууга чакырат:

+996 999 312-002 — Тышкы иштер министрлигинин консулдук башкармалыгы (Бишкек );

+992 887 782-223 — Кыргызстандын Тажикстандагы элчилиги (Душанбе).

Эске салсак, Кыргызстан Тажикстан менен чек арасын былтыркы жылдын май айында толугу менен жапкан.

Автор: Бек Оморбеков
Фото: Интернеттен алынды