Жогорку Кеңеш желим баштыкка тыюу салган мыйзам долбоорун жактырды

Бүгүн, 29-июнда Жогорку Кеңештин жыйынында депутаттар "Өлкө аймагында полимер пленкасынан пакеттерди жүгүртүүнү чектөө жөнүндөгү" мыйзам долбоорун үчүнчү окууда жактырды.

Ага ылайык, полиэтилен баштыктарын 2024-жылдын 1-январынан тарта өндүрүүгө, 1-июндан баштап сатууга жана таратууга тыюу салынат. Целлофан баштыктардын ордуна жерге сиңип жок болуп кеткен биобаштыктарды колдонуу каралууда.

Мыйзам долбоору полимердик материалдардын ден соолукка жана айлана-чөйрөгө зыяндуу таасирин азайтуу максатында иштелип чыккан. Аны эл өкүлү Марлен Маматалиев демилгелеген.

Автор: Бек Оморбеков
Фото: Илллюстрациялык сүрөт