Икрамов шайлоого катышпагандарга айып салуу боюнча мыйзам долбоорун чакыртып алды

Бүгүн, 29-ноябрда Жогорку Кеңештин жыйынында депутат Тазабек Икрамов шайлоого катышпаган жарандарга айып пул салуу боюнча мыйзам долбоорун артка чакыртып алды.

Мыйзам долбоору бүгүн парламенттин жалпы жыйынында каралмак. Ал документти оңдоп-түзөп, кайрадан иштеп чыгарын айтты. Мындан улам мыйзам долбоору күн тартибинен алынды.

Мыйзам долбоору 13-июлда Жогорку Кеңештин сайтында коомдук талкууга коюлган. Анда шайлоого катышпагандарга 5 миң сом айып пул салуу сунушталган.

21-ноябрда Конституциялык мыйзамдар, мамлекеттик түзүлүш, сот укук маселелер боюнча комитет аталган мыйзам долбоорун биринчи окууда жактырган.

Автор: Бек Оморбеков
Фото: Бек Оморбеков