Эрматов Эгемберди: "Мамлекеттик тилдин Бишкекте колдонулбай жатканына бийликтегилердин, элибиздин кайдыгерлиги себеп болууда"

Бүгүн, 24-декабрда Мамлекеттик тарых музейинде ЖКнын Билим берүү, илим, маданият жана спорт боюнча комитетинин көчмө жыйыны өтүүдө. Анда КРнын Президентине караштуу Мамлекеттик тил комиссиясынын төрагасы Эгемберди Эрматов шаардагы тил маселеси боюнча маселелерге токтолду.

"Бишкек шаарына келсең, чет мамлекетте жүргөндөй болосуң. Көрнөк-жарнактар англис тилинен тартып бир нече тилде жазылган. Борбор кожоюну жок шаардай сезилет. Бул маселелер бир гана бийликте иштегендер үчүн эмес, жалпы эл үчүн уят. Мамлекеттик тилдин Төштүгү, мамлекеттик тилдин Манасы болууга чакырам. Кайсы тилде окуганына карабай мамлекеттик тилде сынак тапшырат. Мамлекеттик тил ЖОЖдорго кирет деген талап коюшубуз керек",- деди Эрматов.

Автор: Айпери Ганыжан кызы