Ала-Бука районунун акими алмашты. Жаңы аким ким?

Руслан Айтбаев Жалал-Абад облусундагы Ала-Бука районунун акими кызматынан бошотулду.

Президенттин администрациясы анын ордуна Темирболот Абыкеев дайындалганын кабарлады.

Эске салсак, Темирболот Абыкеев 2024-жылы Оштун Кара-Суу районунун акими болуп турганда кармалып, үй камагына чыгарылган. УКМК кийинчерээк анын кармалганы боюнча маалымат тараткан. Көп узабай Абыкеев Кара-Суу районунун акимдигинен алынган.

Деген менен былтыр мартта ал Баткен шаарына мэр болуп бекитилип, кайра ошол жылдын октябрында мэрликтен кеткен.

Автор: Кылымбек Бейшеев