Малика Дина сахналаш досторуна IPhone 6 телефонун белек кылды (видео)

Эстрада жылдызы Малика Дина шоу-бизнес чөйрөсүндөгү курбу-досторуна кече уюштуруп, жеке концертине чакырууларды тапшырды. Бул тууралуу ал өзүнүн Инстаграмдагы баракчасына жазды.

"Менин даярдаган жашыруун белектерим... Биз команда менен эки ай бою даярдаган белектер. Сыягы, миллениал муундагы адамдардын бир гештальтын жаптык окшойт. Бардык уюштуруу иштери жана кадр артында калган майда-чүйдө нерселер үчүн командама чоң рахмат. Жана дагы 31-октябрда баарыңыздарды жеке концеритимде күтөм",- деген билдирүү калтырды ырчы айым.

Кошумчалай кетсек, Малика Дина чакыруу катары IPhone 6 үлгүсүндөгү телефон берген жана анда ырчынын бардык ырлары көчүрүлүү экени айтылды.