"Беткапчан киши" дагы бир жарандын кыялын орундатты (видео)

Церебралдык шал оорусунан жабыркаган 29 жаштагы Давид аттуу жарандын жашоосу күтүүсүздөн өзгөрдү. Буга өздүгүн ачыктабаган "Беткапчан киши" себепкер болду.

Мүмкүнчүлүгү чектелгенине карабастан, өз аракети менен курьер болуп иштеп жүргөн Давид, жашаган жайы жок болгондугуна байланыштуу аялдамаларда түнөп жатканын билдирди.

Ошондой эле видеодо айтылгандай, буту жакшы баспаганына байланыштуу буюртмаларды жеткизүүдө кечигип, кардарлардын астында ыңгайсыз болуп жаткан. Анын бир гана кыялы - үч дөңгөлөктүү электр арабасы болгон.

"Беткапчан киши" Давидге көптөн бери кыялданып жүргөн үч дөңгөлөктүү электр арабасын жана батир белекке берип, анын жашоосуна үмүт тартуулады.