Мээрим Жуманазарова дүйнө чемпиондугунда күмүш медаль тагынды

Астана шаарында өтүп жаткан күрөш боюнча дүйнө чемпиондугунда кыргызстандык балбан Мээрим Жуманазарова күмүш медаль тагынды.

68 килограммга чейинки салмак ченинде күч сынашкан балбан финалда Кытайдын өкүлү Жиа Лонг менен беттешип 4-3 эсебинде жеңилди.

Мээрим Жуманазарова финалга чейинки беттештерде ишенимдүү жеңиштерге жетишти. Ал 1/8 финалда индиялык Сришти Сриштини 5:1 эсебинде, чейрек финалда америкалык Кеннеди Алексис Блэйдсти 6:3 эсебинде жеңди.

Жарым финалда монголиялык Энхсайхан Дэлгэрмааны 5:1 эсебинде утуп, финалга чыккан.

Автор: Айзада Кыдырмышева