Кыргызстан АКШнын авиация аудитине даярданууда

Кыргызстан АКШнын Федералдык авиация башкармалыгынын аудитине даярданууда. Бул тууралуу Жарандык авиация агенттиги билдирди.

Маалымдалгандай, Астанада өткөн Авиациялык коопсуздук жумалыгынын алкагында Жарандык авиация мамлекеттик агенттигинин директору Данияр Бостонов менен АКШнын Федералдык авиация башкармалыгынын аймактык өкүлү Расселл Райлдын жолугушуусу болуп өткөн. Жолугушуунун жүрүшүндө тараптар эки тараптуу кызматташтыкты өнүктүрүүнүн келечегин, анын ичинде техникалык өз ара аракеттенүүнү, тажрыйба алмашууну, ошондой эле Кыргызстан менен АКШнын ортосунда жүргүнчүлөрдү жана жүктөрдү аба аркылуу ташууну өнүктүрүүгө көмөктөшүү мүмкүнчүлүктөрүн талкуулашкан.

Автор: Кылымбек Бейшеев