Бишкектеги Киев көчөсү кийинки жылы жабылат. Себеби

Бишкектеги Киев көчөсү кийинки жылы жабылат. Бул тууралуу борбор калаа мэриясынын Транспорт жана жол-транспорттук инфратүзүмдү өнүктүрүү департаментинин директорунун орун басары Максат Жумабаев "Биринчи радио" курган маегинде билдирди.

Анын айтымында, Киев көчөсү толук оңдоп-түзөөдөн өтүп, жашыл көчө болмокчу.

"Электробустар жүрөт жана жөө адамдар, велосипед тебүүчүлөр үчүн тилкелер салынат",- деди ал.

Айта кетсек, борбор калаанын бекитилген жаңы башкы планында Киев көчөсүнүн Бейшеналиева көчөсүнөн Жусуп Абдрахманов көчөсүнөн чейинки бөлүгү жөө адамдар үчүн ылайыкташтырылары белгилүү болгон.

Автор: Кылымбек Бейшеев