Кыргызстандын эки университети Борбор Азиядагы эң мыкты 15 окуу жайдын катарына кирди

Кыргызстандын эки жогорку окуу жайы Борбор Азиядагы эң мыкты 15 университеттин катарына кирди. Бул тууралуу QS Quacquarelli Symonds аналитикалык агенттиги жарыялаган рейтингде көрсөтүлөт.

Ага ылайык, Кыргыз-Түрк "Манас" университети 14-орунду, Борбор Азиядагы Америка университети 15-орунду ээледи. Ал эми аймактагы эң мыкты университет деп Казакстандын Аль-Фараби атындагы улуттук университети табылып, биринчи орунга чыкты.

Белгилей кетсек, университеттер академиялык аброю, жумуш берүүчүлөр арасындагы кадыр-баркы, илимий изилдөөлөрү, жарыяланган эмгектеринин цитаталанышы, окутуучулар менен студенттердин катышы жана эл аралык кызматташтыгы сыяктуу көрсөткүчтөр боюнча бааланган.

Автор: Меерим Кабылова