Ошто облустук юстиция башкармалыгынын жаңы имараты пайдаланууга берилди

Бүгүн, 6-ноябрда Ош шаарында Ош облустук юстиция башкармалыгынын жаңы имаратынын ачылыш аземи өттү. Бул тууралуу Ош шаардык мэриясынан билдиришти.

Иш-чарага Ош шаарынын мэри Жанарбек Акаев, президенттин Ош облусундагы ыйгарым укуктуу өкүлү Аманкан Кенжебаев, Юстиция министрлигинин өкүлдөрү жана мекеме кызматкерлери катышты.

Маалыматка ылайык, мурдагы имарат 1971-жылы курулуп, 2023-жылы адистердин корутундусунун негизинде пайдаланууга жараксыз деп табылган.

Жаңы имараттын курулушу 2024-жылдын 19-мартында мамлекеттик-жеке өнөктөштүк долбоорунун алкагында башталган. Анын жалпы аянты 5348 чарчы метрди түзөт.

Имаратта облустук юстиция башкармалыгы, Пробация департаменти, мамлекеттик жана социалдык нотариалдык кеңселер, юридикалык жардам көрсөтүү кызматы жана архивдер жайгашат.

Автор: Айзада Кыдырмышева