Ошто "Ынтымак" телеканалы обого чыга баштады

Ошто 20-декабрдан баштап 58-каналдан “Ынтымак” телеканалы көрсөтө баштады. Бул тууралуу “Журналисттер” коомдук уюму билдирди. Телеканалдын техникалык директору Данияр Садиевдин айтымында, “Ынтымак” Ош шаарын жана ага жакын жайгашкан айыл-кыштактарды камтып, 1 миллиондон ашуун көрүүчүгө кызмат көрсөтүүдө. Жакынкы күндөрдө Жалал-Абад, Баткен облустарына көрсөтүү пландаштырылууда. Телеканал кыргыз, орус, өзбек тилдеринде обого чыгып жатат. Жакында төрт сааттык таңкы берүү, бөбөктөргө жана жаштарга арналган көңүл ачуучу программалар көрсөтүлө баштайт.

Автор: Гүлмайрам Сабырбекова