Ош. Өзгөчө кырдаалдар министри куткаруучулардын даярдыгын текшерди

Кыргыз Республикасынын Өзгөчө кырдаалдар министри Кубатбек Боронов 13-апрелде саат 22:00дө министрликтин Ош шаарында жайгашкан бардык түзүмдүк бөлүмдөрүнүн, аскер бөлүктөрүнүн аскер кызматчыларынын өзгөчө кырдаалдарга болгон даярдыктарын текшерди. Текшерүү боюнча алдын ала айтылбай, “тез арада жыйноо” боюнча буйрук берилди. Андан соң жыйналган аскер кызматчыларынын кырсыктардын кесепеттерин жоюуга даярдыктары текшерилди.

Эреже боюнча кабар берилгенден бир сааттын ичинде үч күндүк кургак тамактары менен азык-түлүктөрү, гигиеналык каражаттары жана курал шаймандары колунда болуп, кырсык болгон аймакка чыгып кетүүгө тийиш эле. Бул шашылыш кабарга айрым аскер кызматчылары шаймандарын унутушса, айрымдары кийимдерин толук кийинип келгенге да үлгүрбөй калышкан. Башкы куткаруучуну аскер кызматчыларынын баштыгындагы үч күнгө даярдалган кургак тамактарынын аздыгы канааттандырган жок.

“Ушул тамак кантип үч күнгө жетсин? Демек, берилген акча максатсыз пайдаланылып, кокус текшерип калганда жок болуп калбаш үчүн эле баштыкка бир нерсе салып коёсуңар. Куткаруучунун курсагы ток болгондо гана башкаларга жардам көрсөтө алат”,- деди министр.

Андан сырткары кырсыктарда пайдалануу үчүн берилген шаймандарды да жаңылоого мезгил жеткендигин кошумчалады. Мындай иш-чараны министр жазда болуп кетүүчү сел жана суу ташкындары, жер көчкү жана техногендик мүнөздөгү кырсыктарга дайым даяр болуу үчүн көрүлгөн камылга деп түшүндүрдү.

Ал эми кетирилген кемчиликтерди тез арада жоюу боюнча министрликтин тиешелүү жетекчилерине тапшырмаларды берди. Бул тууралуу аталган мекеменин басма сөз катчысы Абдишарип Бекилов билдирди.

Автор: Айпери Ганыжан кызы

08:26 14-04-2014

Жазылуу

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 111 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 556 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 689 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 288 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 417 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 700 0

Архив

Комментарийлер (3)

ilek-ilek88

2014-04-14 09:22:56

жакшы кабар мындан ары да текшерип туруш керек

Dadin

2014-04-14 16:54:34

Показуха жон эле,министр келери 3 кун мурда эле белгилуу болгон ))) ,Чынында эле кутуусуз текшеруу болгондо, абдан жакшы болмок.

aikow92

2014-04-14 17:00:12

Мен жакшы нерселерге ишенгенди жакшы кором ошондуктан жашоом жакшы. Министрдин текшергенин чын деп кабыл алдым. Куткаруучулар тобу кантсе да чакырган жерге барып журушот. Алдын ала 1 жыл мурун айтылып дайындалып койгон болсо да мен жогорудагы кабарга ишенем.

Комментарий калтыруу үчүн өз ысымыңыз менен кириңиз же каттоодон өтүңүз.