Баткен. Кадамжайда мугалимдерге коопсуз жүрүм-турум эрежелери боюнча сабактар өткөрүлдү

Кечээ, 17-апрелде Баткен облусунун Кадамжай районундагы мектеп мугалимдери, айыл округдардын өкүлдөрү, мектеп окуучулары жана кооптуу аймактардын жашоочулары үчүн турмуш-тиричилик коопсуздугунун негиздери жана коопсуз жүрүм-турум эрежелери боюнча Өзгөчө кырдаалдар министрлигинин өзүнчө куткаруу отрядынын окуу борборунун жарандык коргонуу кафедрасы тарабынан сабактар өткөрүлдү. Бул тууралуу бүгүн, 18-апрелде ӨКМнын басма сөз кызматы билдирди.

Сабактын негизги максаты жарандык коргонуунун мамлекеттик системи, калкка ыкчам кабар берүү системи жана усулдары, өзгөчө кырдаалдар учурунда жүрүм-турум эрежелери боюнча кабар берүү болуп саналат.

Окутуунун аягында ар түрдүү өзгөчө кырдаалдар учурундагы жүрүм-турум эрежелери жөнүндөгү материалдар таркатылды.

Автор: Айсана Паизова