2013-жылы гемофилия менен ооруган 96 бейтап канга керектелүүчү атайы даярдалган дарылар менен камсыздалган

Милдеттүү медициналык камсыздандыруу фонду аркылуу Кыргызстан боюнча 2013-жылы гемофилия менен ооруган 96 балага 478750 ЭБ кан факторлорунун концентраттары (канга керектелүүчү атайы даярдалган дары-дармектер) сарпталган. Мындай маалымат фонддун расмий сайтында жарык көрдү.

Маалыматка ылайык, 2013-жылы Бишкек шаары боюнча 12 бейтап 74500 Эл аралык бирдик (ЭБ) менен камсыз болгон. Баткен облусунан 4 бейтап 13000 ЭБ, Нарын облусунан 13 бейтап 38250 ЭБ, Баткен облусунан 13 бейтап 38750 ЭБ, Жалал-Абад облусунан 15 бейтап 59750 ЭБ, Чүй облусунан 9 бейтап 38250 ЭБ, Талас облусунан 8 бейтап 49000 ЭБ, Ысык-Көл облусунан 12 бейтап 69500 ЭБ, Ош облусунан 23 бейтап 136000 Эл аралык бирдиктеги каражат алган.

Бул көрсөткүч бейтаптардын жалпы санына жана үй-бүлөлүк медицина борборлорунун квартал сайын берилүүчү отчётторунун негизинде чыгарылган.

Автор: Мальвина Уметбекова