Ош. 122 жаран ветеринардык жана фитосанитардык мыйзамды одоно бузгандыгы аныкталды

Ош шаарында 122 жаран ветеринардык жана фитосанитардык мыйзамды одоно бузгандыгы аныкталды. Алардын 85ине 57 500 сом өлчөмүндө административдик айып салынган. Ошону менен катар 37 жаранга эскертүү берилген. Бул тууралуу бүгүн, 29-апрелде Ош шаардык ветеринардык башкармалыгынын жетекчиси Кумарбек Исаков билдирди.

Анын айтымында, ветеринардык жана фитосанитардык көзөмөл жүргүзүү иштери боюнча ушул жылдын 1-кварталында Экономика министрлигинин Ош шаардык өкүлчүлүгү тарабынан 202 жеке менчик соода-сатык жүргүзүүчү ишканалар пландын негизинде бекитилип ,138 субъект текшерилген.

Автор: Айсана Паизова