15-майга карата Токтогул суу сактагычындагы суунун көлөмү 8 миллиард 959 миллион метр кубду түздү

2014-жылдын 15-майына карата Токтогул суу сактагычындагы суунун көлөмү 8 миллиард 959 миллион метр кубду түздү. Бул тууралуу бүгүн, 15-майда “Электр станциясы” ишканасынын басма сөз кызматынан билдиришти.

Маалыматка ылайык, бүгүнкү күндө агып кирген суунун көлөмү секундасына 615 метр кубду, ал эми агып чыккан суунун көлөмү 264 метр кубду түзүүдө.

Өткөн жылы ушул маалда суунун көлөмү 11 миллиард 295 миллион метр кубду, ал эми агып кирген суунун көлөмү секундасына 364 метр кубду, агып чыккан суунун көлөмү 237 метр кубду түзгөн.

Автор: Мальвина Уметбекова