Кыргыз Республикасынын Куралдуу күчтөрүнүн 22 жылдыгына карата аскерлердин катышуусунда салтанат болду (фоторепортаж)

Аскердик парад менен 1 сааттан ашык убакытка созулган иш-чара соңуна чыкты.

Иш-чара параддык жүрүш менен аяктады.

Иш-чара жабылуу алдында...

Иш-чарага аянт толо эл күбө болуп отурду.

Жоокерлердин өнөрүнөн кийин майрамдык салют орун алды.

Ал ортодо бий тобу "Моя армия" деген аталыштагы ырдын коштоосунда өз өнөрүн тартуулады.

Жоокерлер чалгын тозоттун жергиликтүү аймагын тазалап чыгуу боюнча аракеттерди жана туткунда калгандарды бошотуу аракетин көрсөтүүдө.

Куралдарды аз убакыт аралыгында күжүрмөн абалга келтирген жоокерлер аны колдонуу ыкмаларын да көрсөтүп беришти.

Из куугуч ит унаада тыюу салынган зат бар экенин таап, ээсине үн чыгарып, белги берди.

Из куугуч ит ээсин угуп, көпчүлүктү таң калтырды. Кудум аскер сыяктуу ээсинин ар бир тапшырмасын аткарып жатты.

Жоокерлер кезек-кезеги менен куралдуу жана куралсыз кармашуу ыкмаларын көрсөтүшүүдө.

Иш-чарага эл жандуу күбө болду.

Андан соң аскерлер курал кармап, өз өнөрлөрүн көрсөтүштү.

Иш-чара аскердик оркестрдин коштоосунда болду.

Бүгүн, 29-майда КРнын Куралдуу күчтөрүнүн түзүлгөндүгүнүн 22 жылдыгы “Ала-Тоо” аянтында салтанаттуу түрдө белгиленди.

Алгач Бишкек гарнизонунун кошуундары, аскердик бөлүктөрү жана аскердик мекемелердин параддык бөлүкчөлөрү Чүй проспекти менен Манас проспектисинин кесилишинен борбордук аянтка чейин ырдап өтүштү. Андан соң оркестрдин коштоосунда салтанаттуу кече башталды. Жоокерлер кармаш күрөшүнүн ыкмаларын, туткунга түшкөндөрдү бошотуу боюнча тактикалык эпизоддорун, чалгын тозоттун жергиликтүү аймагын тазалап чыгуу боюнча аракеттерин, артиллериялык бөлүкчөлөрдүн ок атуу позициясындагы жана аны калтыруудагы сабактарын, куралдуу жана куралсыз кармашуу ыкмаларын, чек араны бузгандарды кармоо жана артына түшүүдөгү чек арачылардын иш-аракетин, из куучу иттердин иштерин көрсөтүштү.