Жалал-Абад. «Балдар - өлкөнүн келечеги» деген аталышта футбол боюнча мелдеш өткөрүлдү

31-майда Сузак райондук ички иштер бөлүмү демилге көтөрүп, 1-Июнь – Балдарды коргоо күнүнө карата «Балдар - өлкөнүн келечеги» деген аталышта Сузак районунун Барпы атындагы айыл округунун жетекчилери менен биргеликте футбол боюнча мелдеш уюштурулду. Бул тууралуу бүгүн, 2-июнда ОИИБинин басма сөз кызматы билдирди.

Ага Сузак району боюнча 12 команда катышып, жыйынтыгында 1-орунду Барпы айылынын «Жаңы-Айыл» командасы камсыз кылды. 2-орунду Кызыл-Туу айыл округунун «Кызыл-Туу» командасы ээлесе, 3-орун Көк-Жаңгак шаарынын «Көк-Жаңгак» командасына тийди.

Мындан сырткары ардагер спортчуларга, айырмаланган оюнчуларга Сузак РИИБинин башчысы, милициянын подполковниги Нурбек Жаныбеков ак калпактарды кийгизип, баалуу белектерди тапшырды.

Автор: Айсана Паизова
Фото: ОИИБинин басма сөз кызматы