Ош. Өзгөн районунда 2460 мектеп бүтүрүүчүсү паспорт менен толук камсыз болушту

31-майда Өзгөн райондук акимчилигинде окуучуларга паспорт тапшыруу аземи өттү. Бул тууралуу бүгүн, 2-июнда райондук администрациядан билдиришти.

Маалым болгондой, өкмөттүн токтомуна ылайык, 16-17 жашка чыккандар акысыз паспорт ала алышат. Ал күнү 300 окуучуга паспорт тапшырылды. Ал эми аталган райондогу Мырзаке айылындагы мектеп-интернатында окуган 12 окуучуга, ошондой эле 60ка жакын шарты оор үй-бүлөлөргө бул бөлүм тарабынан демөөрчүлөр табылып, алар да акысыз паспорт алышты.

Бул жылы район боюнча 2460 мектептин бүтүрүүчүсү паспорт менен толук камсыз болушту.

Автор: Айсана Паизова