Орусиялык энергетиктер Нарындагы бала бакчалардын бирине белек тартуулашты

Нарын шаарындагы “Чебурашка” бала бакчасына кечээ, 5-июнда орусиялык энергетиктер тарабынан белектер тапшырылды. Бул тууралуу бүгүн, 6-июнда жергиликтүү администрациянын басма сөз кызматынан билдиришти.

Маалыматка ылайык, балдар үчүн атайын селкинчек жана оюнчуктарды бала бакчага берүүгө “Жогорку Нарын каскаддары” жабык акционердик коомунун башкармалыгынын төрагасы Игорь Горбенко жана аппарат жетекчиси Эмилбек Алымкулов келди. Ошондой эле иш-чарага Нарын шаарынын жетекчилиги да катышты.

“Биз ушул бала бакчада кезектеги акциябызды өткөрүп жатабыз. Алдыда дагы акциялар улантылып турат”,- дейт И.Горбенко.

Автор: Мальвина Уметбекова