Караколдо Пристань-Пржевальск шаардык көл жээги расмий түрдө ачылат

Пристань-Пржевальск шаардык көл жээгинде 14-июнь күнү жайкы сезондун ачылышына карата Каракол шаарынын мэриясы ишембилик өткөрөт. Бул тууралуу бүгүн, 12-июнда шаардык мэриянын басма сөз кызматынан билдиришти.

Маалыматка ылайык, ишембиликке бардык каалоочулар чакырылат. Ишембиликтен кийин Пристань-Пржевальск кум жээгинин ачылыш аземи пландалууда. Ачылуу аземинин алкагында спорттук жана маданияттык иш-чаралар да өткөрүлмөкчү.

Автор: Мальвина Уметбекова
Фото: Каракол шаардык мэриясынын басма сөз кызматы