Ошто дааватчылардын 30 күндүк окуу курстары жыйынтыкталды

13-июнда Ош шаары жана Ош облусу боюнча дааватчылардын үчүнчү ирет уюштурулган 30 күндүк окуу курсу аяктады. Бул тууралуу бүгүн, 16-июнда муфтияттын басма сөз кызматынан билдиришти.

Маалыматка ылайык, аталган курска жалпысынан 10 адам катышты. Муфтий Максатбек ажы Токтомушевдин буйругунун негизинде дааватка чыккандардын билим деңгээлин жогорулатуу максатында курска келгендер ислам шарияты тууралуу, адеп-ахлак, жүрүм-турум боюнча кеңири маалымат алышты.

Ошондой эле катышуучулар 30 күндүк курска катышкандыгы тууралуу сертификатка ээ болушту.

Автор: Мальвина Уметбекова
Фото: Муфтияттын басма сөз кызматы