Бишкекте “Ак илбирстин изи менен” аттуу фотокөргөзмө өтөт

10-июлда Бишкектеги Г.Айтиев атындагы Кыргыз улуттук көркөм өнөр музейинде экологиялык акциянын алкагында “Ак илбирстин изи менен” аттуу фотокөргөзмө өтөт. Бул тууралуу уюштуруучулар билдиришти.

Көргөзмөгө Кыргызстандын аймагында 2014-жылы кышында ак илбирстин жашаган жерин изилдөөгө алган эки экспедицияда Фотожурналисттер союзунун мүчөлөрү тарткан 100дөн ашуун эмгек коюлат.

Иш-чаранын максаты - ак илбирсти коргоого коомчулуктун көңүлүн буруу жана жаратылышка аяр мамиле жасоо сезимин ойготуу.

Мындан тышкары белгилүү сүрөтчү Руслан Валитовдун экологиялык темага арналган автордук иллюстрациялары жана карикатуралары көрсөтүлөт.

Автор: Динара Абдыкадырова
Фото: Интернеттен алынды