Ысык-Көлдө "Ала-Тоо" аттуу аймактык КВН лигасынын Жайкы фестивалы өткөрүлөт

9-августта Ысык-Көлдөгү "Рух-Ордосунда" Эл аралык КВН союзунун "Ала-Тоо" деп аталган аймактык лигасынын Жайкы фестивалы өткөрүлөт. Бул тууралуу Кыргызстандын “Азия Микс” КВН командасы интернеттеги өздүк баракчасына жазып чыгышты.

Экинчи жолу өткөрүлүп жаткан фестивалга КМШ өлкөлөрүнүн КВН командалары ат салышат.

Иш-чарада кыргызстандык “Азия Микс” курама командасы конкурстан сырткары программада тамашаларын тартуулайт. Алар учурда Юрмалада өткөрүлчү "Голосящий КиВиН-2014" музыкалык фестивалына даярдык көрүшүүдө.

Автор: Динара Абдыкадырова