Ош. Тейлөө тармагында эмгектенген кызматкерлер кесиптик күнүнө карата Ардак грамоталар менен сыйланышты

20-июль - Тейлөө кызматында эмгектенген кызматкерлердин кесиптик күнүнө байланыштуу Ош шаарынын мэриясында биринчи вице-мэр Замирбек Аскаров тейлөө кызматкерлери менен жолугушту. Бул тууралуу бүгүн, 21-июлда мэриянын басма сөз кызматы билдирди.

Анда вице-мэр: «Ош шаарынын социалдык-экономикалык өнүгүшүнө салымыңыздар зор. Андыктан мындан ары да иш алып барууңуздарга мэрия тараптан жардамыбызды беребиз. Мындан аркы ишиңиздерге ийгиликтерди каалайбыз»,- деди.

Вице-мэр кызматкерлерди шаардагы тейлөө чөйрөсүндөгү жетишкен ийгиликтери үчүн куттуктап, Ардак грамоталарды жана акчалай сыйлыктарды тапшырды.

Автор: Айсана Паизова
Фото: Ош шаардык мэриясы