Бишкекте икебана искусствосу боюнча мастер-класс көрсөтүлүүдө (фоторепортаж)

Иш-чарага катышкан секелек колунан жаралган эмгеги менен.

Иш-чаранын жүрүшүнөн.

Иш-чарага жигиттер да катышты.

Иш-чаранын жүрүшүнөн.

Гүлдүн сабагы жана гүлдөр мындай тикенекке сайылып кооздолот.

Көрк берген гүлдөр.

Композиция жасоого жалпак карапа, гүлдүн сабагы, суу жана башкалар керектелет.

Чынара Мундузбаева катышуучуларга тажрыйбасы менен бөлүшүп жатат.

Гүл композициясы.

Мастер-класстын жүрүшүнөн.

Бүгүн, 21-июлда Бишкектеги соода түйүндөрүнүн биринде икебана искусствосу боюнча мастер-класс көрсөтүлүүдө. Иш-чарага окуучулар, студенттер, шаар тургундары жана коноктор катышып, гүл кооздогонду үйрөнүп жатышат. Мастер-классты Орусияда икебана искусствосу боюнча сабак берген Чынара Мундузбаева көрсөтүүдө.

Икебана – гүлдөрдү кооздоо боюнча япондордун салттык искусствосу. Анда кесилип алынган гүлдөрдөн композиция жаратып, интерьерге орнотушат. Икебананын түпкүрүндө жөнөкөй көркөмдүктү, табигый сулуулукту ачып берүү камтылган.

Белгилей кетсек, иш-чара 22-июлга чейин уланат. 24-июлда “Гүлдөгөн Кыргызстан” аттуу көргөзмө өткөрүлүп, Чынара Мундузбаеванын анын жана окуучуларынын эмгектери тартууланат.

Автор: Динара Абдыкадырова
Фото: Динара Абдыкадырова