Австралиялык ата-эне жалгыз кызын издөө үчүн малайзиялык Боинг учагы жарылган жерге барарын билдирди

Малайзиялык Боинг учагында каза болгон австралиялык кыздын ата-энеси Украинага келишти. Алар авиакырсыктан кызы тирүү калганына үмүт кылышууда. Бул тууралуу 25-июлда чет элдик басылмалар жазып чыгышты.

Жорж менен Анжела Дайчинскийлердин жалгыз кызы Амстердамдан Куала-Лумпурга бара жаткан малайзиялык Боинг учагынын бортунда болгон. Учак Украинанын Донецк облусунда 17-июлда жарылып, учактагылардын баары көз жумушкан.

Кыздын атасы: "Биз кызыбыз тирүү деп ойлоп жүрөбүз. Ошондуктан Донецкке учуп бара жатабыз. Биз аны таап келебиз. Кызыбыз отурган креслосу менен кошо алыска ыргытылган болушу мүмкүн. Отургучу жерге түшүүсүнө жеңилдик берген. Ал эми 10 чакырым бийиктиктеги абанын температурасынын төмөндүгү жарылууда баш мээнин жабыркабашына шарт түзүшү мүмкүн. Эч ким тирүү калгандар жөнүндө сөз кылбай жатат. Бирок кырсыктан аман калгандар боюнча да далилдер бар",- деп билдирген.

Киевге келген Фатиманын ата-энеси Донецк облусунда орун алып жаткан согуштук аракеттер боюнча тынчсызданышкан жок.

Эске салсак, Украинада жарылган малайзиялык Боинг 777 учагында 298 адам каза тапты. Учакта Нидерландынын 192 жараны (алардын бири эки өлкөнүн: АКШ менен Нидерландынын жараны болгон), Малайзиянын - 44 (арасында 15 экипаждын мүчөсү жана 2 ымыркай), Австралиянын - 27, Индонезиянын - 12, Улуу Британиянын - 10 (алардын бири эки өлкөнүн: Улуу Британия менен Түштүк Африка Республикасынын жараны экени белгилүү болду), Бельгиянын - 4, Германиянын - 4, Филиппиндин - 3, Канаданын - 1, Жаңы Зеландиянын 1 жараны болгону аныкталды.

Автор: Айпери Ганыжан кызы

12:48 25-07-2014

Жазылуу

РУБРИКАДАГЫ СОҢКУ КАБАРЛАР

22:31 2025-05-11 | Коом жана турмуш

"Сыймык жана милдет". Кызыл аянтта парадга катышкан Улуттук гвардиянын аскерлери кайтып келишти (видео) 659 0

21:07 2025-05-11 | Кылмыштар, кырсыктар

"Окуяга тиешеси барлар жазаланган". Жоокерлерге үстөмдүк көрсөткөн видео боюнча ӨКМ билдирүү таратты 2584 0

20:35 2025-05-11 | Түркүн дүйнө

Путин менен Эрдоган Орусия менен Украинанын түз сүйлөшүүлөрүн кайра баштоону талкуулашты 973 0

19:22 2025-05-11 | Коом жана турмуш

Жоокерлерге үстөмдүк көрсөтүлгөн видео социалдык баракчаларга тарады 2658 0

17:54 2025-05-11 | Кылмыштар, кырсыктар

Ысык-Көлдүн жолдорунда эреже бузган айдоочулар дрон менен аныкталып жатат (видео) 1059 0

17:21 2025-05-11 | Спорт

Өлкөнүн бокс боюнча жаштар курамасы Шри-Ланкада өтө турган Азия чемпиондугуна жөнөп кетти (тизме) 534 0

Архив

Комментарийлер (3)

Ankel

2014-07-25 14:44:17

Бечара ата эне, бала күйүтү жаман да, жалгыз кызы экен анүстүнө

Shai

2014-07-25 15:01:25

Ылайым кудайым эч бир пендесин балам деп боздотпосун. Кызынын жайы жанната болсун, ата-энесине конул айтамын. Ошондуктан коп тороп алыш керек да жаштыгында айланайын аялзаты.

madazimova92

2014-07-26 19:40:59

Кыргыз элим ошон учун айтат дааа узулбогон умут деп

Комментарий калтыруу үчүн өз ысымыңыз менен кириңиз же каттоодон өтүңүз.