Бексултан Жакиев: "Үркүндүн 100 жылдыгына карата дүйнөлүк деңгээлдеги эстелик тургузуш керек"

Бүгүн, 1-августта Бишкектеги Улуттук китепканада “Азаттык деген алтын сөз” аттуу китеп көргөзмөсү ачылды. Көргөзмөнүн максаты - 1916-жылдагы Улуттук көтөрүлүштүн 100 жылдыгына байланыштуу эскерүү иш-чараларды өткөрүү боюнча коомдук демилгелерди ишке ашыруу жолдорун иштеп чыгуу.

Көргөзмөнүн экспозицияларына китептер, гезиттик публикациялар, интервьюлар, тарыхчылардын изилдөөлөрү, документалдуу сүрөттөр, уникалдуу тарыхый материалдар, бул окуяга арналган кыргыз авторлорунун эмгектери коюлган. Иш-чарага Кыргыз Эл жазуучусу Бексултан Жакиев, КРнын Маданиятына эмгек сиңирген ишмери, жазуучу Бактыбек Максүтов, Элдик курултайдын төрагасы Баяс Турал, чыгармачыл инсандар катышышты.

“Мен Үркүндөн кийин туулсам дагы, эс тарткандан бери 1916-жылкы көтөрүлүшкө катышканымдай сезиле берет. Анткени чоң апам жана атам ушул каргашалуу көтөрүлүшкө катышкан. Кыргыз эли улуттук ар-намыс, эркиндик үчүн үрккөн. Мен ойлойм Үркүндүн 100 жылдыгына карата дүйнөлүк деңгээлдеги эстелик тургузуш керек”,- дейт Бексултан Жакиев.

1916-жылдагы жалпы элдик көтөрүлүш дүйнө тарыхынын эң эле трагедиялуу барактарынан. Анын кайгылуу жактары жана эбегейсиз кан төгүлүшү кыргыз жана жалпы эле Орто Азия элдеринин тарыхындагы эстен кеткис окуя болуп саналат.

Орусиялык падышалык саясат боюнча жарактуу жерлердин баары тартылып алынган соң, кыргыздын бөлүгү тоо тарапка толугу менен сүрүлө баштайт. Кыргыздардын тамырын кесип, жер-сууну келгин орустарга бошотуп берүү үчүн ар кандай саясаттар колдонулган. Анын бири 1916-жылы 25-июлда орус падышасынын Чыгыш, Сибирь, Түркстан жана Казакстанда жашаган 19дан 45 жашка чейинки жергиликтүү эр-азаматтар толугу менен кан майдандын кара жумушуна милдеттүү түрдө алынсын деген буйругу болду. Эзүүчүлөрдүн жүргүзгөн саясатына каршы кыргыз эли көтөрүлүшкө чыккан. Теңдешсиз таймашта Чүй, Ысык-Көл, Нарын жергесиндеги кыргыздардын 40 пайызы кыргынга учурап, 170 миңдей адамдын аёосуз курмандыкка чалынышы менен аяктаган.

Автор: Динара Абдыкадырова

13:36 01-08-2014

Жазылуу

РУБРИКАДАГЫ СОҢКУ КАБАРЛАР

14:49 2025-05-09 | Коом жана турмуш

ЖЫЛНААМА, 9-МАЙ: Мындан 80 жыл мурун Советтик армия Улуу Ата Мекендик согушта жеңишке жеткен 62 0

13:55 2025-05-09 | Коом жана турмуш

SUPER.KG порталы кыргыз элин Улуу Жеңиш күнү менен куттуктайт 111 0

13:52 2025-05-09 | Супер-Инфо

“Акчанын айынан ооруканага жетпей жүрөбүз” 124 0

13:47 2025-05-09 | Коом жана турмуш

Жеңишке 80 жыл: Кыргызстандыктарды бир катар өлкөлөрдүн башчылары куттукташты 126 0

13:29 2025-05-09 | Коом жана турмуш

Жеңишке 80 жыл: Оштогу “Өчпөс от” комплексине гүлчамбар коюлду 210 0

13:24 2025-05-09 | Супер-Инфо

Арина Исакова, актриса: «Жолдошум мени таң калтырып бүтпөйт...» 223 0

Архив

Комментарийлер (10)

zman53

2014-08-01 13:39:28

Эстелик тургузгандан коро,завод-Фабрика курсанар жакшы болмок.Жакшылап онолгондон кийин,анан башкаларын жазаса жакшы болмок.

-1

aikow92

2014-08-01 13:44:39

Эстелик тургузулушуна каршы эмесмин лично! Тарыхый эстелик болуп калат. Каршылык билдирип атып Курманжан датка комплекси да курулбай калды. Акча жеп атышат деп. Аман эле бололу туугандар. Завод-фабрика тургузгандан пайда чыгып жатабы??? Кара-Балтадагы нефть заводду токтотушту тургундар зыян эле зыян деп. Кадамжайдагы алтын кен ишканасын токтотушту зыян эле зыян деп. Тообо кыргызга эч нерсе жакпайт.

Dadin1

2014-08-01 13:52:28

aikow92, завод курулгандан кийин анын фильрин ай сайын алмаштырып туруш керек айлана чойрону абаны булгабаш учун, биринчи айда фильтр менен иштетишет заводторду фильтр толгондон кийин фильрди алмаштыбай эле алып ыргытып жиберип фильтр жок эле иштеткенде ошол Кара-Балтадагы абал болот .. контролдогон органдар акчаны сол капчыка кампыйтып коз жумуп коюшат.Егер ай сайын нормалар менен иштегенде андай болбойт эле.

Light

2014-08-01 14:29:20

иии анан аны тургузуп алып, жакпай калса митинг кылышат каргашалуу эстелик экен деп.Менин оюмча курбай эле коюшсун,анткени эстелик куруу да озунчо коррупция.Ала тоо майданындагы эстелик учун канча миллионду чапчып кетти

LISICHKA

2014-08-02 15:28:52

Light, менин оюмча дагы тургузбай эле койгону жакшы,биринчиден ал жерде чындап коррупция,миллиондогон акчалар чондордун чонтогуно кетет,экинчиден ошого кеткен акчаны балдар уйуно,рак м-н ооруган адамдарга,жетим-жесирлерге,балдар уйуно беришсе жакшы болмок.Мамлекет кедейчиликтен чыга албай жатып кайдагы эстелик,козу тируу адамдар жонундо ойлонолук,алар олуп калбаш учун.Чет мамл-н карызга акча алышып карызга белчеден батканда кайдагы эстелик.Мамлекетибиз бай болгонда мага десе 100 эстелик орнотсун

kursantbek

2014-08-01 15:15:17

мамлекеттин тарыхы болуш керекта демек эстелик тургузуш керек

LISICHKA

2014-08-02 15:31:37

kursantbek, биздин ошол мамлететтик тарыхыбызды чондор баалайт бекен? Баалашса ушундай абалга жетет белек?

Nemo_0587

2014-08-02 12:23:17

Ушундай тарыхый окуяларга тургузса болот эстеликти. Анан каяктагы бир чиновниктин бийлиги учун митингке чыгып ок жеп олгондорго эмес.

zhalynbek

2014-08-03 09:32:06

эстеликти коё туруп чек араны жакшына тургузуп алгылачы биринчи.

LISICHKA

2014-08-03 12:45:08

zhalynbek, туура айтасын,биринчи озубуздун,тируу адамдарыбыздын тагдырын чечип алгыла,андан башка проблеманар жоктой суйлойсунор,кимдир бироонун чонтогу кургап калган окшойт,эстеликке шылтоолоп чонтогун толтурайын деп

Комментарий калтыруу үчүн өз ысымыңыз менен кириңиз же каттоодон өтүңүз.