Бакытбек Кожогулов: "Кыргызстандагы тоо кенин иштетүүдө инвесторлорго бир топ коркунучтар бар"

Кыргызстанда тоо кенин иштетүүдө инвесторлорго тышкы жана ички коркунучтар бар. Бул тууралуу бүгүн, 13-августта тегерек столдун жүрүшүндө адис Бакытбек Кожогулов билдирди.

Анын айтымында, тышкы коркунучтарга баалардын өсүшү, салык мыйзамы, мамлекеттик түзүмдөрдүн кийлигишүүсү кирет. “Ал эми ички коркунучтарга пайдалуу кендердин сапаты, тоолуу-техникалык шарттары, кендин технологиялык сапаты жана экологиялык шарттар кирет”,- деди ал.

Мындан тышкары адис ушул маселелерди чечүүдө бийлик иш жүргүзүшү керек экенин баса белгиледи.

Автор: Нургазы Аматов