Кыргызстанда биометрикалык маалыматтарды чогултуу иш-чаралары 25-августта башталары пландалууда

Кыргызстанда биометрикалык маалыматтарды чогултуу иш-чаралары 25-августта башталары пландалууда. Бул тууралуу бүгүн, 13-августта селектордук отурумдун жүрүшүндө КРнын Биринчи вице-премьер-министри Тайырбек Сарпашев билдирди.

Анын айтымында, чогултуу иш-чаралары 31-августка пландалган болчу. "Пенсия жана жөлөк пул алуучулар эң биринчилерден болуп биометрикалык маалыматтарды тапшырышат",- деди ал.

Айта кетсек, Кыргызстанда биометрикалык маалыматтарды чогултуу боюнча тендерди Германиянын “Гезике энд Девриент” (“Giesecke & Devrient”) компаниясы жеңип алган. Ал эми жабдуулардын биринчи комплекти жакынкы бир-эки күндүн ичинде, толугу менен сентябрда келери айтылган.

Автор: Нургазы Аматов