Эгемендүүлүк күнүнө карата Чоң-Алайга Тажикстандан делегация келет

Кыргыз Республикасынын Эгемендүүлүк күнүнө карата Ош облусунун Чоң-Алай районуна Тажикстандан кыргыз элинин эгемендүүлүктү алган күнү менен куттуктап, эки элдин ортосундагы ынтымакты бекемдөө максатында делегация келери күтүлүүдө. Бул тууралуу бүгүн, 18-августта райадминистрациядан Сапура Мамытова билдирди.

Анын айтымында, эгемендүүлүктүн 23 жылдыгына учурда даярдыктар жүрүүдө. Ал күнү райондогу мекеме- ишканалар ортосунда жыл сайын кезек менен "Ыр кесе" уюштурулуп келет. Бул жылы "Ыр кесени" райондун каржы кызматкерлери өткөрөт.

Автор: Айсана Паизова