Ош. Ажыга баруучуларга атайын ажылык сапар боюнча окуу-сабактары өткөрүлүүдө

Ош шаарында Кыргызстан мусулмандар дин башкармалыгы тарабынан ажылык сапар боюнча окуу-сабактарды өткөрүүдө. Ажыга барган адам эмнелерди билүүсү керек, кандай парздарды аткарышы керектиги тууралуу сабактардын башталганына төрт күн болду. Бул тууралуу бүгүн, 20-августта Ош шаарынын казысы Убайдулла Сарыбаев билдирди.

Анын айтымында, "Сулайман-Тоо" мечитинин жыйындар залында ар жекшемби күнү сабактар аялдар жана эркектер үчүн бөлүнүп өткөрүлүүдө. Ажыга аттангандар аймактык имамдардан да кеп-кеңеш алып, зыярат кылуунун жол-жоболорун үйрөнүшүүдө.

Кошумчалай кетсек, бул жылы Ош шаарынан 194, Ош облусунан 738 адам ажылык сапарга аттанат. Алар буга чейин милдеттүү делген менингитке каршы эмдөөдөн өтүшкөн.

Автор: Айсана Паизова