Бишкекте “Кыргызстанда зомбулукка таянган экстремизмдин алдын алуу” аттуу тренинг өтүүдө

Бүгүн, 21-августта Бишкекте ММКлардын өкүлдөрү үчүн “Кыргызстанда зомбулукка таянган экстремизмдин алдын алуу” аталышындагы тренинг өтүүдө.

Уюштуруучулардын айтымында, иш-чара 2 күнгө созулат. Анда КРнын УКМКнын, ИИМдин, муфтияттын, Орусиянын элчилигинин өкүлдөрү жана дин боюнча адистер катышууда.

Маалым болгондой, тренингде “терроризм”, “диний экстремизм”, “радикализм”деген сөздөрдүн туура мааниси талкууланат. Мындан тышкары эмне себептен кыргызстандыктар чет өлкөлөрдө орун алган диний согуштарга катышып жаткандыгы тууралуу ой-пикирлер айтылат.

Автор: Нургазы Аматов
Фото: Нургазы Аматов