Кадыр Маликов: “Ислам дүйнөсүндө болгон согуштардын себеби Куранды жана хадистерди туура эмес түшүнүүдө”

“Ислам дүйнөсүндө болгон согуштардын себеби элдин Куранды жана хадистерди туура эмес түшүнүүсүндө”,- деди бүгүн, 21-августта журналисттер үчүн уюштурулуп жаткан тренингдин жүрүшүндө дин боюнча адис Кадыр Маликов.

Анын айтымында, Сирияда, Иракта жана башка мусулман мамлекеттеринде болгон окуялар буга далил. "Айрым кыймылдар Куранды өзүнө ылайык түшүнүп, душмандарын өлтүрүүгө шылтоо таба беришет. Мисалы, бир мусулман башка диндин өкүлүн гана эмес, исламга ишенген адамды да өлтүрүп, "бул чыныгы мусулман эмес" деген шылтоосун айтат",- деп түшүндүрдү адис.

"Учурда адистердин арасында ислам дининдеги террорчулук тууралуу катуу талкуулар өтүп жатат. Курандын орус тилиндеги котормолорунда да ар кандай түшүндүрүүлөр байкалууда",- деди ал.

Автор: Нургазы Аматов
Фото: Нургазы Аматов