Бишкекте Азык-түлүк жана айыл чарба продукцияларынын Эл аралык көргөзмө-жарманкеси өтөт

26-29-сентябрда Бишкекте азык-түлүк жана айыл чарба продукциялары боюнча Эл аралык “АгроПродЭкспо-2014” көргөзмө-жарманкеси өтөт. Бул тууралуу бүгүн, 25-августта КРнын Соода-өнөр жай палатасынын басма сөз кызматы билдирди.

Маалыматка ылайык, иш-чара аталган мекеме жана КРнын Айыл чарба министрлиги тарабынан уюштурулууда. Көргөзмө-жарманкеге 7 өлкөнүн өкүлдөрүнүн жана 60ка чукул компаниянын катышуусу пландалып жатат.

Мындан тышкары анда төмөнкү продукциялар көрсөтүлөт:

- Тамак-аш;

- Алкоголсуз жана алкоголдук ичимдиктер;

- Айыл чарба продукциялары;

- Айыл чарба техникасы;

- Таңгактар, жабдуулар жана технологиялар;

- Тамак-аш продукцияларын өндүрүүчү технологиялар;

- Тамакка даам берүүчү кошумча каражаттар.

Иш-чарада катышуучулар үчүн сынактар, мастер-класстар, презентациялар жана дегустациялар да өткөрүлөт.

Автор: Нургазы Аматов