31-августта Бишкек шаарынын бир катар көчөлөрүндө жол кыймылына чектөөлөр киргизилет

31-августта Бишкек шаарынын бир катар көчөлөрүндө жол кыймылына чектөөлөр киргизилет. Бул тууралуу Бишкек ШИИББинин Жол-кайгуул кызматы бүгүн, 28-августта билдирди.

Алсак, Абдрахманов көчөсү Токтогул көчөсүнөн Фрунзе көчөсүнө чейин;

Фрунзе көчөсү Абдрахманов көчөсүнөн Тоголок Молдо көчөсүнө чейин;

Токтогул көчөсү Абдрахманов көчөсүнөн Тоголок Молдо көчөсүнө чейин;

Тоголок Молдо көчөсү Токтогул көчөсүнөн Фрунзе көчөсүнө чейин;

Киев көчөсү Абдрахманов көчөсүнөн Тоголок Молдо көчөсүнө чейин;

Чүй проспекти Абдрахманов көчөсүнөн Тоголок Молдо көчөсүнө чейин;

Термечиков көчөсү Гагарин көчөсү менен Л.Толстой көчөсүнө чейин жабылат.

Буга байланыштуу Жол-кайгуул кызматы айдоочуларды жол эрежелерин сактоого чакырат.

Айта кетсек, 31-август күнү Бишкек шаарынын борбордук аянтында Кыргыз Республикасынын Эгемендүүлүк күнү белгиленет. Ошондой эле “Аккула” ат майданында көк бөрү боюнча КРнын Президентинин кубогу үчүн мелдеш болот.

Автор: Бекжан Рыскулов