Тайырбек Сарпашев өзү окуган мектебинде ачык сабак өткөрүп, окуучуларды өлкөнүн экономикалык абалы менен тааныштырды (фоторепортаж)

Бүгүн, 1-сентябрда Бишкекте КРнын Биринчи вице-премьер-министри Тайырбек Сарпашев өзү окуган №5-улуттук компьютердик гимназиянын окуучуларына ачык сабак өттү.

Иш-чаранын жүрүшүндө ал окуучуларга учурдагы Кыргызстандын саясий, экономикалык, энергетика, тоо-кен өндүрүү жана маданият тармактарындагы абалы тууралуу айтып берди. Т.Сарпашев өлкөнүн перспективдүү тармактарына өзгөчө көңүл бурду.

Тайырбек Сарпашев: "Тоо-кен өндүрүү жана айыл чарба - келечекте чоң пайда алып келүүчү тармактар".

“Өлкөнү өнүктүрүш үчүн силер, жаштар, билимдүү, акылдуу, жоопкерчиликтүү болушуңар керек. Канчалык билимдүү болсоңор, ошончолук мамлекетибиз өнүгөт. Сабактан тышкары башка билим алууга жана ийримдерге катышууга аракет кылгыла”,- деди биринчи вице-премьер-министр.

№5-улуттук компьютердик гимназиянын окуучулары

Иш-чаранын соңунда Т.Сарпашев мектептин жетекчилигин сыйлады.

Иш-чаранын жүрүшүндө окуучулардын бири Т.Сарпашевге "Ийгилигиңиздин сыры эмнеде?" деген суроо берди. Биринчи вице-премьер-министр "Эч кандай сыр жок. Ар дайым иштеп, окуп, адамдар менен жакшы мамиле түзүүдө" деп жооп берди.

Андан соң чиновник окуу жайдын жетекчилигин сүрөт жана китеп менен сыйлады. Мектептин директору өз кезегинде ага гүл жана баалуу белек берди.

Тайырбек Сарпашев ачык сабактын катышуучулары менен эстеликке сүрөткө түштү.

№5-улуттук компьютердик гимназиянын окуучулары

Бүгүн, 1-сентябрда Бишкекте КРнын Биринчи вице-премьер-министри Тайырбек Сарпашев өзү окуган №5-улуттук компьютердик гимназиянын окуучуларына ачык сабак өттү.

Анын айтымында, тоо-кен өндүрүү жана айыл чарба - келечекте чоң пайда алып келүүчү тармактар. “Бул максатка жетиш үчүн силер, жаштар, билимдүү, акылдуу, жоопкерчиликтүү болушуңар керек. Канчалык билимдүү болсоңор, ошончолук мамлекетибиз өнүгөт. Сабактан тышкары башка билим жана ыкмаларга ээ болууга аракет кылгыла”,- деди биринчи вице-премьер-министр.

Иш-чаранын соңунда ал “Бийликтин булагы эмне?” деген суроо берди. Окуучулар “министр", "депутат", "президент” деген варианттарын айтышса, бирөө гана “эл” деп жооп берип, Т.Сарпашевдин колунан сыйлык алды. Андан соң чиновник окуу жайдын жетекчилигин сүрөт жана китеп менен сыйлады. Мектептин директору өз кезегинде ага гүл жана баалуу белек берди.

Автор: Нургазы Аматов
Фото: Нургазы Аматов