“Кечээ курулуп бүткөн Нарындын жолун кайра эле бүгүн Кытайдан чыккан жүк ташуучу унаалар талкалап жатат” дешет нарындыктар

Бүгүн, 2-сентябрда Нарын облусунун тургундары маалымат жыйынын өткөрүп, бийликке нааразычылык билдиришти.

Жыйындын катышуучусу Бийназаров Бердикожо: "Адамдын жумшагын адам жейт" дегендей, жутта малы кырылып, жолу талкаланып жатса унчукпаган Нарын элине бийликтин жасаган мамилеси туура эмес. Эл эми толкуп чыгууда. Талаптарыбыз аткарылбай келгени ойлондурат. 2010-жылы Алмазбек Атамбаев нарындыктар менен жолугушканда “Нарындын шарты катаал. Силерге берилген электр энергиясынын 70 тыйын болгону кымбат, 50 тыйын болуш керек” деген. Азыр биз дал ошол 2010-жылкы талаптар менен эле чыгып жатабыз. Эгерде акыйкаттык болбосо, эмнеге биздин жаштарыбыз окко учушту?"- деди. Андан тышкары ал жаңы курулуп бүткөн Нарындын жолун кайра эле бүгүн Кытайдан чыккан жүк ташуучу унаалар талкалап жатканын айтты.

Автор: Максат Кудайбердиев