Атаандаштыкка туруштук берүү боюнча жалпы дүйнөлүк рейтингде 144 мамлекеттин арасынан Кыргызстан 108-орунда жайгашты

2014-2015-жылдарга экономикалык атаандаштыкка туруштук берүү боюнча жалпы дүйнөлүк рейтингде 144 мамлекеттин арасынан Кыргызстан 108-орунда жайгашты. Бул тууралуу бүгүн, 3-сентябрда Жалпы дүйнөлүк экономикалык форумунун басма сөз кызматы билдирди.

Маалым болгондой, аталган рейтинг боюнча Кыргызстан дүйнөдө атаандаштыкка туруштук бере албаган мамлекеттердин бири болуп саналат. Анын жанында Бангладеш, Суринам, Кот д’Иваур, Лесото жана Габон сыяктуу өлкөлөр жайгашты. Көз карандысыз Мамлекеттер Шериктештигине мүчө мамлекеттердин арасында мыкты көрсөткүчкө Азербайжан (38-орун) ээ болсо, эң начар көрсөткүчтү Кыргызстан (108-орун) көрсөттү.

Тажикстан Кыргызстандан 17 орунга жогорураак жайгашып, 91-орунда турат. Украина 84-орун, Орусия 53-орун, Казакстан 50-орунда жайгашты.

Ошол эле учурда Кыргызстан былтыркы жылдын көрсөткүчүнө салыштырмалуу 13 орунга көтөрүлүп, КМШга мүчө мамлекеттердин арасынан мыктысы болуп чыкты.

Жеке ишкерликти жүргүзүүдө тоскоолдук көрсөткөн эң көйгөйлүү себептер катары коррупция, каржылоого мүмкүнчүлүк түзүү, пайдасыз мамлекеттик бюрократия жана салык тартиби экени аныкталды. Аталган рейтингди түзүүдө адистер инфраструктураны, макроэкономикалык чөйрөнү, инновациялардын колдонулушун, каржы рыногунун өнүгүшүн, саламаттыкты сактоо жана билим берүү тармактарын эске алышты.

Айта кетсек, 2014-2015-жылдарга атаандаштыкка туруштук берүү боюнча жалпы дүйнөлүк рейтингдин эң жогорку орундарында Швейцария, Сингапур, АКШ жайгашты. Ал эми Йемен, Чад жана Гвинея рейтингдин арткы катарларында болууда.

Автор: Нургазы Аматов

18:42 03-09-2014

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 335 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 235 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 174 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 258 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 752 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 351 0

Архив

Комментарийлер (6)

kama_future_millioner

2014-09-03 18:56:20

Тажикстандан да калып кетиптиргоо

sagynby

2014-09-03 19:05:59

Биз тажикистандан ойдобуз десек алардан да томон екенбиз кайра кайра болгон призденттик шайлоо митингдин пайдасы

Patriot92

2014-09-03 19:39:24

Ооба азыр Кыргызстан оор мезгилди башынан откоруп жатат. Бирок келечек алдыда биздин жаштардын колунда.Мен ишенем Кыргызстан алдынкы онуккон мамлекеттердин катарына кошулат.

ayakosya

2014-09-03 22:13:39

Кубанган жокмун

friendwipkg

2014-09-04 02:29:19

Кыргызстанга жарашат, алдыга чыгып кетсек болбой калат го.

chomly88

2014-09-04 07:39:25

Бизде которулгондорду бутунан тартып тушуруп кое берсек алдыга жылмак белек. Жогоруда Кыргызстандын келечегин ойлогондор иштебей эле,акчанын артынан жургондор иштеп жатса онолмок белек. Мээси иштегендерди кырып,кок мээлер иштеп жатса,онолмок белек...ууф

Комментарий калтыруу үчүн өз ысымыңыз менен кириңиз же каттоодон өтүңүз.