Баткендеги кыргыз-тажик жолдорунун курулуш иштери башталды

Бүгүн, 4-сентябрда вице-премьер-министр Абдырахман Маматалиев баштаган жетекчилик Тажикстандын премьер-министринин орун басары Муродали Алимардон баштаган делегация менен биргеликте Көк-Таш – Ак-Сай – Тамдык, Ак-Сай – Кишемиш тилкесинин (Тажикстан Республикасынын Точикон айылын айлануу) автожолунун жана Исфара – Ворух (Кыргыз Республикасынын Ак-Сай айылын айлануу) автожолунун бир мезгилдеги курулуштарынын башталышына катышышты. Бул тууралуу өкүлчүлүктүн басма сөз кызматы билдирди.

Анда эки элдин бийлик өкүлдөрү бул жолдор эки тараптын биримдигине кызмат кылсын деген ой-тилектерин айтып өтүштү.

Автор: Айсана Паизова
Фото: Дилара Парпиева