Нарында мектеп-интернатынын окутуучулары митингге чыккан соң директор жана бухгалтер кызматынан алынды

Бүгүн, 4-сентябрда Нарын шаарындагы Үсөн Асанов атындагы мектеп-интернатынын окутуучулары директордун кызматтан кетүүсүн талап кылып митингге чыгышкан соң алардын талабы аткарылды. Бул тууралуу өкмөттүн Нарын облусундагы ыйгарым укуктуу өкүлчүлүгүнүн басма сөз катчысы Белеков Барктабас билдирди.

Анын айтымында, аталган мектеп-интернатынын директору Жаанбаева Жаңылды жана бухгалтерди кызматтан алуу боюнча КРнын Билим берүү жана илим министрлигинин буйругу чыкты. Өкүлчүлүктүн кишилери буйрукту нааразычылык акциясына чыккандарга окуп берди.

Автор: Максат Кудайбердиев