Дайынсыз жоголуп, 2 күндөн кийин балдар үйүнөн табылган Адэля Алымбаева боюнча атайын иликтөө жүргүзүлөт

10-сентябрда дайынсыз жоголуп, 12-сентябрда балдар үйүнөн табылган 12 жаштагы Адэля Алымбаеванын эмне себептен жоголгону боюнча атайын иликтөө иши жүргүзүлөт. Бул тууралуу SUPER.KG порталына Бишкек ШИИББинин басма сөз кызматынын жетекчиси Бакыт Сейитов билдирди. Сейитовдун айтымында, 12 жашар кыздын жоголгону боюнча тактай турган маселелер көп.

“Адэлянын эмне себептен жоголгону боюнча тактай турган маселе көп. Учурда кызматтык иликтөө жүрүп жатат. Алынган маалыматтар боюнча, Адэля 9-сентябрда сабактан чыгып, андан ары классташ кызынын үйүнө барып саат 10го чейин отуруп, анан алар "үйүңө бар" дегенде үйүнө кетиптир. Курбу кызы "үйүңө бар" десе, “ата-энем урушуп жатат, баргым келбей жатат” деген экен. 10-сентябрда чет тил сабагында акыркы партага барып, маанайы жок отуруптур. Классташтары “Эмне болду?” дешсе, “башым ооруп жатат, үйгө кетейин, атам машинасы менен келди” деп суранып чыгыптыр. Бирок ата-энеси 11-сентябрь күнү Биринчи Май райондук милиция кызматына сүрөтүн, ал тууралуу керектүү маалыматтарды алып келип, "кызым дайынсыз болуп жатат" деп кайрылат. Бүгүн, 12-сентябрда саат 16:00 чамаларында кыз өзү апасына “балдар үйүнүн жанында турам, алып кет” деп телефон чалдырыптыр”,- деди Сейитов.

Сейитов кыз ата-энесине башка бирөөлөр үйүнө алып барып тамак жасатып, иштеткенин айтканын кошумчалады. “Кыз ата-энесине жолукканда башка бир аял үйүнө алып барып тамак жасатканын айтты. Мүмкүн, коркконунан ушул нерсени айтты. Биз Биринчи Май райондук башкармалыгынын балдар менен иштөө бөлүмүнө комиссия түзүп, иликтөө жүргүзүүнү тапшырдык. Бала бир-эки күндөн кийин өзүнө келип алса, психолог менен сүйлөштүрүп, бир чарасын табабыз. Эгерде чындап эле кыздын айтканындай болсо, ал кишилер табылып, жазасын алышат. Ата-энесинин кызга болгон мамилеси ушуга түртүшү да мүмкүн”,- деп кошумчалады ал.

Автор: Жамалидин Парманкулов

18:59 12-09-2014

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 455 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 317 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 236 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 336 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 868 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 418 0

Архив

Комментарийлер (3)

edu.kg

2014-09-12 20:18:44

Айдай кызынарды жон эле кудай деп суйунуп карабайсынарбы бироого зар бироого кор деген ушу да уйбулонун отртосундагы чыр чатактан канчалаган балдар жабыркап жатышат..

raya2

2014-09-12 20:33:51

аябай жаман болуптур.кимди кармайсынар?жону жок айта беришетта биздин кызмат керлер.откондо жогору жактан окуп калдым.бир баланы уурдап кетип 70мин сом талап кылып ур токтоко алганын.ошондогу балдарды кармашыптыр анан кайра уй камагына чыгарып жибериптир.муну деле кармасанар уй камагына чыгарып жибересинерда.бизде эч кандай закон же жаштарды бир жакшы жака ундой турган эч нерсе жок.1-класстын окуучуларынан баштап саясатты суйлошот

guard

2014-09-13 00:34:09

Супердин админдерине: жыйынтыгын тактап, кандай болгонун билдирип койсонуздар жакшы болоор эле!

Комментарий калтыруу үчүн өз ысымыңыз менен кириңиз же каттоодон өтүңүз.