Борбор калаада “Бишкекте корей музыкасынын күнү” аттуу иш-чара өтөт

27-сентябрь күнү Т.Сатылганов атындагы Улуттук филармонияда “Бишкекте корей музыкасынын күнү” аталышында маданият иш-чарасы өткөрүлөт. Бул тууралуу Кореянын Кыргызстандагы элчилиги билдирди.

Иш-чаранын максаты - кыргызстандыктарды жогорку деңгээлде жана ар түрдүү жанрдагы корей музыкасы менен тааныштыруу, эки мамлекеттин ортосундагы карым-катнашты кеңейтүү.

Концерт 2 бөлүктөн турат. Биринчи бөлүгүндө “Эң сонун акыл” аталышында маданият дипломатиясынын концерти, экинчи бөлүгүндө белгилүү корей ырчылары Гу Чанг Мо, Квон Инха, Шин Хе Бомдун аткаруусунда ырлар жаңырат.

Автор: Динара Абдыкадырова