“No name`дин" жеке концерти: Мурат Жалиев кара далы кызын күйөөгө бере албай убара болду

Концерттин соңу.

Хан кара далы кызын күйөөгө бере албай убара.

Ырчы Омар.

Тасма тартуу процессин көрсөтүп жаткан тамаша ойнолууда.

Концерттин жүрүшүнөн.

Ырчы Ильяз Абдыразаков.

Аталган грамотага “No name” командасынын оюнчулары да татыктуу болушту.

КРнын Маданият, маалымат жана туризм министрлигинин атынан Ардак грамотаны Эрмек Нурбаевге обончу Жаныш Момунов тапшырды.

"Тамашоунун" негиздөөчүсү Эрмек Нурбаев.

Аларга суроону залда отурган күйөрмандар беришти.

"Тамашоунун" командалары суроо-жооп оюнуна чыгышты.

Концерттин жүрүшүнөн.

“No name” командасынын оюнчусу Мураттын ата-энеси да бул концертке күбө болушту.

Кара далы кызды ала качып бараткан окуяны чагылдырган тамаша ойнолууда.

Сахнада “No name” командасы.

“No name” командасынын оюнчусу Мурат эл аралап күлкү тартуулоодо.

Көрүүчүлөр залдын 80 пайызын ээлешти.

"Алга" курама командасы.

"Ала-Тоо" командасы.

“Одноклассники.KG” командасы өз тамашасы менен сахнада...

Алып баруучулук милдетти Аман Ибраев жана “тамашоучу” Актан Рыскелдиев аркалашты.

Сахна сыртында.

“No name” командасынын оюнчулары: “Бүгүнкү концертте 98 пайыз жаңы номерлерди тартууладык".

Даярдык маалынан.

Бүгүн, 17-сентябрда “Тамашоу” долбоорунун 6-сезонунун чемпиону “No name” командасы отчёттук жеке концертин берди. Саат 19:00гө белгиленген концерт туура 20:00дө көшөгөсүн ачты. Күйөрмандар залдын 80 пайызын ээлеп, маанайды көтөргөн тамашаларга кулак төшөп отурушту. Шаңга бөлөнгөн концертте алып баруучулук тизгинди Аман Ибраев жана “тамашоучу” Актан Рыскелдиев колго алышты. Концерттин коноктору ырчылар Омар, Ильяз Абдыразаков, “Тамашоу” долбоорунун “Ала-Тоо”, “Алга”, “Одноклассники.KG” командалары болушту. Тапан жигиттер боорду эзген тамашалары менен күлкү сүйүүчүлөрүнө позитивдүү маанай тартуулап, дүркүрөгөн кол чабууларына арзышты.

6 жылдан бери миңдеген күйөрман топтоп, жүздөгөн жаштарды атактуулукка жеткирген "Тамашоу" Лигасынын негиздөөчүсү Эрмек Нурбаев куттуктоо сөзүндө: “Биздин долбоордо эң мыктылар гана чемпион болуп кетишет. Жеке концертин берип жатышкан азаматтарды чын жүрөктөн куттуктайм. Ушул адамгерчилигинен жазышпай, өлкөнүн чыгаан инсандары болушун каалайм”,- деди.

Ош жергесинен суурулуп чыккан “No name” командасынын оюнчулары: “Бүгүнкү концертте 98 пайыз жаңы номерлерди тартууладык. Бешенебизден тер агызып даярданганбыз. Сахнага чыгып, элдин маанайын көтөрүү үчүн болгон күчүбүздү, энергиябызды жумшадык. Жеке концертибизди биринчи жолу берип жатабыз. Саамалыкты кийин салтка айлантып, жылына кеминде 2-3 жолу концерт берип турабыз”,- дешет.